串過鷄 (已結業)

今日同朋友去觀塘行街，行行下突然之間覺得有點肚餓，朋友表示好想食串燒，我哋就喺觀塘附近尋覓一下串燒嘅餐廳！經過呢間餐廳，覺得個名好得意😂串過鷄 ！所以就諗住入去試一試佢！入到餐廳已經聞到好香嘅串燒味！我哋都忍唔住即刻嗌左串燒，仲嗌埋舖頭嘅皇牌花膠雞湯飯！花膠雞湯飯$58佢嘅湯底真係好好飲啊！啲雞肉食落去都唔會鞋濕濕！啲湯撈埋啲飯一齊食好好味！不過個湯如果有得再熱啲就好啦燒茄子 $35燒豬頸肉 $25燒金菇肥牛 $26燒茄子、燒豬頸肉、燒金菇肥牛都好好味！呢間餐廳嘅串燒應該都幾出名！我哋喺度食緊嘅時候，都聽到餐廳嘅電話不停收到串燒嘅外賣訂單！總體來講，呢間餐廳嘅性價比都幾高嘅黎食嘅人一定要記得試吓呢間餐廳嘅串燒