乜嘜雞蛋仔 (已搬遷) 新店位置

經過這間小食店見個店名咁有趣，仲有咁多新奇食品供應，淨係雞蛋仔既口味已多得驚人。好，咁耐冇食過，等小好食個正斗咖啡榛子朱古力雞蛋仔先！即叫即整，粒粒肥大熱辣辣，裏面仲係流心添，咖啡朱古力味香濃，好有口感，非常驚喜！牛肉燒賣，第一次喺街邊小食店食牛肉燒賣，肉香味道正，置身於繁忙的鬧市，簡直是一種安慰。加埋店主自家製咖喱汁，好香口嘢味，朋友話可以再辣一點，果然係食得辣之人，對我來說剛剛好。 自家製牛肉球，呢個唔試真係唔知咁好味，超巨型，係呀牛肉燒賣嘅2.5倍大！肉味鮮又可口，加辣超正，啖啖肉嘅感覺實在太美妙。香港特色小吃，絕對回味無窮，百吃不厭。加上香港人嘅創意，令平凡小吃絕不平凡。