影片
更多
2019-07-18
164 瀏覽
堅尼地城不嬲都冇咩嘢食，都係得鬼佬嘅酒吧同埋好大量嘅連鎖餐廳，當我知道西營盤嘅阿元來了搬咗過嚟堅尼地城，我就即刻同啲friend一齊嚟啦。我哋一行二人係閑日嘅差唔多9:00到到阿元來了，但係都等位等左三個字，入面係座無虛席架。好彩佢門口有啲櫈比客人坐，亦都擺咗點餐只等客人寫咗食啲咩先， 十分細心。入到去見到鋪頭嘅裝修好別緻，充滿台灣嘅味道，有台式嘅招牌，而廚房嗰度都好似台灣嘅夜市佈置，店員都會用普通話同你講嘢，令到食客覺得自己好似係台灣咁。我哋叫咗一個擔仔麵，滷肉飯，玉米起司蛋餅同埋一杯阿薩姆紅茶。擔仔麵：佢個湯底有麻油味同埋好重蒜蓉味，有蝦同埋肉燥鋪面，同喺台灣食嘅擔仔麵都好似，好惹味。滷肉飯：滷肉非常之淋，甚至入口即溶，配埋佢個醬汁撈飯，非常之好食。玉米起司蛋餅：蛋餅個皮好薄，入面包住粟米同埋芝士，面頭鋪一啲甜甜地嘅汁，另外亦都有辣醬可以點，好食又飽肚。阿薩姆紅茶：我揀咗微甜，真係好少甜味，茶味頗濃。總結，餐廳嘅食物充滿台灣風味，相信係台灣人原汁原味將台灣嘅食物帶嚟，價錢都合理。不過，餐廳晚市嘅份量偏小，我見唔同嘅顧客都會叫好多小食，所以如果食下想食飽啲，要叫多幾個dish。另外，
我哋一行二人係閑日嘅差唔多9:00到到阿元來了，但係都等位等左三個字，入面係座無虛席架。
好彩佢門口有啲櫈比客人坐，亦都擺咗點餐只等客人寫咗食啲咩先， 十分細心。
入到去見到鋪頭嘅裝修好別緻，充滿台灣嘅味道，有台式嘅招牌，而廚房嗰度都好似台灣嘅夜市佈置，店員都會用普通話同你講嘢，令到食客覺得自己好似係台灣咁。
我哋叫咗一個擔仔麵，滷肉飯，玉米起司蛋餅同埋一杯阿薩姆紅茶。
擔仔麵：佢個湯底有麻油味同埋好重蒜蓉味，有蝦同埋肉燥鋪面，同喺台灣食嘅擔仔麵都好似，好惹味。
滷肉飯：滷肉非常之淋，甚至入口即溶，配埋佢個醬汁撈飯，非常之好食。
玉米起司蛋餅：蛋餅個皮好薄，入面包住粟米同埋芝士，面頭鋪一啲甜甜地嘅汁，另外亦都有辣醬可以點，好食又飽肚。
阿薩姆紅茶：我揀咗微甜，真係好少甜味，茶味頗濃。
總結，餐廳嘅食物充滿台灣風味，相信係台灣人原汁原味將台灣嘅食物帶嚟，價錢都合理。
不過，餐廳晚市嘅份量偏小，我見唔同嘅顧客都會叫好多小食，所以如果食下想食飽啲，要叫多幾個dish。
另外，餐廳都比較迫，可能人多啦，冷氣感覺上比較少，一邊食一邊滴汗。建議餐廳係依方面改善下。
張貼
