吃吧 (僑建大廈) (已結業)

豬肋條烤得好軟熟，不過份量就只有三條骨，略為細份，其餘半碟都係薯條。薯條就炸到好脆，應該係落咗好多油，不過好食嘅。

烤西班牙豬肋條

$188

個軟殼蟹肉醬千層麵就有d失望，個麵好似一pat野咁，完全做唔到千層麵個層次。蟹都唔好食，不過全隻上都算大隻。

軟殼蟹肉醬千層麵

$148

杯野係見好似幾搞笑所以叫，其他野飲好似都係一樽花咁上，幾得意同有心思。味道極偏淡，接骨木花味唔係好出，不過整體好飲，價錢就真係貴咗d。

熱情果接骨木花茶

$56

另外都有叫到收工啤，無影到。覺得都好飲嘅，整體cafe多選擇，坐得都舒服，不過多人就會覺得嘈d咁。