金域冰廳

營業中

休息中

今日又去咗金域冰廳食早餐。都係嗌番個招牌嘅沙爹牛肉公仔麵，但係今次會配埋多士、豬柳漢堡同司華力腸。佢既上餐速度同平時一樣咁快，唔使十分鐘就嚟曬所有嘢。沙爹牛肉公仔麵保持平時水準，啲麵唔會煮得太過林淋，仲有啲彈牙。沙爹牛肉就係平時喺茶餐廳食到嘅味道。多士係連埋牛油嘅烘邊多士，牛油味好香，多士冇烘燶左，而且仲脆。豬柳漢堡煎得好香口，好食，大小正常。腸就比平時嘅短 ，但係都做到脆邊好食。凍檸茶要加三蚊，算係加得多錢，不過習慣飲凍飲就冇計，味道算正常。埋單總共45蚊，屬正常價錢。