影片
更多
2020-11-03
308 瀏覽
係香港已經開左第三間分店了 但都係第一次食到 每次經過都排晒隊 真係懶得排隊 咁岩星期二放假 見係平日 有機會少啲人掛 咁就去博一博啦 大約晏晝4點45分去到 竟然得3個人排隊 即刻走去排隊先 等左十分鐘都冇就可以入座喇 估唔到咁少人排隊又咁快入得 好難得 入到店員話叫得就㩒枱鐘仔 由於我朋友未到 我就睇住menu先 見到都幾多選擇 有牛丼 燒肉丼 雞肉丼仲有兩款鍋物 三款丼飯仲有好多款式揀 有淨牛肉 有溫泉蛋牛肉 有香葱溫泉蛋牛肉 又有個係有啲芝士係上面 總知就有好多款 有單叫一個丼飯 又有set揀 俾個set既炸雞吸引住 set既仲跟埋野飲 不過冇乜特別 都係汽水個啲 對個冰紅茶有興趣啲 聽講幾好飲 見佢menu仲有其他特飲既 不過應該要另叫或者加錢 冇幾耐朋友就到了 咁我地第一次食 梗係想試下丼飯多啲 咁岩牛肉同燒肉都想試 咁就每樣一個再交換黎試 咁我地就冇叫鍋物 留返下次先試食丼飯我就覺得一定要有溫泉蛋撈下飯先好食既咁就揀左個兩隻溫泉蛋既牛肉飯set（M Size）同埋兩隻溫泉蛋既燒肉丼set (M Size)兩個餐都跟炸雞同冰紅菜落左單冇幾耐 我諗5分鐘都冇 兩個set已經黎
冇幾耐朋友就到了 咁我地第一次食 梗係想試下丼飯多啲 咁岩牛肉同燒肉都想試 咁就每樣一個再交換黎試 咁我地就冇叫鍋物 留返下次先試
食丼飯我就覺得一定要有溫泉蛋撈下飯先好食既
咁就揀左個兩隻溫泉蛋既牛肉飯set（M Size）同埋兩隻溫泉蛋既燒肉丼set (M Size)兩個餐都跟炸雞同冰紅菜
落左單冇幾耐 我諗5分鐘都冇 兩個set已經黎左 估唔到會咁快 溫泉蛋係分開上 原隻自己打落個飯度 兩隻溫泉蛋可以撈晒成碗飯岩岩好 唔會話唔夠撈 肉既份量都幾多下 炸雞就有3舊 就咁睇佢地既牛肉同燒肉係差唔多樣 只不過牛肉係好細舊 感覺上有啲碎 燒肉就一塊塊咁大塊啲 個人就覺得普普通通啦 係一個正常既丼飯 炸雞都正常 唔係話特別好食 又唔係難食 杯冰紅茶個人就覺得麻麻地 只係一杯好普通既茶 冇特別
總括黎講 我同朋友都覺得只係一個好普通既丼飯 如果要排隊排成粒鐘既話我真係覺得唔值得 如果係冇乜人既情況下等一陣既都可以接受 真係唔明點解啲人會排成粒鐘食個牛肉飯 埋單每人60幾蚊 價錢都還可以喇 有機會路過既唔洗排隊既話會試下其他野食
牛肉丼
21 瀏覽
0 讚好
0 留言
燒肉丼
91 瀏覽
0 讚好
0 留言
張貼
