影片
更多
2017-10-30
689 瀏覽
每次去台灣飲飲食食團，馬辣火鍋是必定要安排的行程之一！太喜歡麻辣湯和鴨血的配搭了，簡直想一想都感覺快不行了！(≧∇≦) 估唔到香港都有馬辣了！說句真的，其實不知道是不是同一間，不過點都要去會一會吧？！而且聽說價錢和台灣非常的貼近，同樣是極親民的價錢耶！百多塊吃到捧住個肚走呀，問你死未！ 果然這裏挾著馬辣之名， 門庭若市， 我們早早來到六點半入座都已經好爆場！不過這裏地方非常大， 放眼望去起碼有二三百個座位吧， 而且座位間隔不算擠迫以卡坐為主，坐得都幾舒服！ 一坐低當然先揀湯底啦， 這裏款式湯底呀ok多，大概有八款， 好似我咁鍾意食麻辣湯的一定首選麻辣， 麻辣可分爲 一隻辣椒辣度和兩隻辣椒辣度， 我選擇的一隻辣椒辣度不算太辣，以麻為主吃起來的頗香口。 不吃辣的也可以揀清湯、沙爹湯、芫茜湯等等，甚至可以嚟個雙併鴛鴦湯底。 我最鍾意嘅麻辣鍋仲有配埋鴨血， 裏面大概有五塊炸豆腐般大的鴨血， 非常足料！ 而且鴨血煮到好q彈，仲 一啲都唔腥， 由於太好食嘅關係，我只能夠分一舊畀我老公食。其他全部我食曬呀！哈哈！ 場嘅中間設有自助區， 除了肉類要點單之外，基本上在自助區都可以找到各款常吃的火鍋配料
估唔到香港都有馬辣了！說句真的，其實不知道是不是同一間，不過點都要去會一會吧？！而且聽說價錢和台灣非常的貼近，同樣是極親民的價錢耶！百多塊吃到捧住個肚走呀，問你死未！
果然這裏挾著馬辣之名， 門庭若市， 我們早早來到六點半入座都已經好爆場！不過這裏地方非常大， 放眼望去起碼有二三百個座位吧， 而且座位間隔不算擠迫以卡坐為主，坐得都幾舒服！
一坐低當然先揀湯底啦， 這裏款式湯底呀ok多，大概有八款， 好似我咁鍾意食麻辣湯的一定首選麻辣， 麻辣可分爲 一隻辣椒辣度和兩隻辣椒辣度， 我選擇的一隻辣椒辣度不算太辣，以麻為主吃起來的頗香口。
不吃辣的也可以揀清湯、沙爹湯、芫茜湯等等，甚至可以嚟個雙併鴛鴦湯底。 我最鍾意嘅麻辣鍋仲有配埋鴨血， 裏面大概有五塊炸豆腐般大的鴨血， 非常足料！ 而且鴨血煮到好q彈，仲 一啲都唔腥， 由於太好食嘅關係，我只能夠分一舊畀我老公食。其他全部我食曬呀！哈哈！
場嘅中間設有自助區， 除了肉類要點單之外，基本上在自助區都可以找到各款常吃的火鍋配料，例如： 牛丸、龍蝦丸、魚片頭、 魚蛋 、火腿丸、 海膽墨魚丸、 蟹子丸……
比較特色嘅就有牛栢葉、 牛孖筋 、粉腸、生腸、鵝腸 、豬潤、 豬肚 、醉雞件 、豬頸肉……
蔬菜類的選擇也十分豐富，除了綠油油的蔬果籃之外，還有勁多菌類，例如金菇、冬菇、雞髀菇、秀珍菇等等……
打邊爐梗係要有肥牛喇， 呢度牛肉款式都多，大概有四款選擇， 有美國prime頂級牛梅花，美國choice無骨牛小排,美國安格斯黑牛和美國精選五花。 愛吃牛肉的我當然要試曬咁多款啦！
盛載的餐具側邊會有顏色記號，跟返顏色記號就可以知道是哪一款肉類，非常方便！ 個人認為頂級牛梅花最正， 不但止大大塊食落啖啖肉，而且有少許油花但是又不會過份肥膩， 輕輕灼熟之後還帶有點點咬口， 而且肉味香濃， 估唔到百幾蚊任食都有這種質素實在難得！
豬肉都有黑豚五花肉和黑毛豬梅花選擇， 如果想食羊肉都有頂級小肥羊肉！ 海鮮類都有提供大大隻海生蝦， 小八爪魚 ，小貝殼和脆肉鯇魚腩！ 脆肉鯇魚腩好新鮮，食落真係索索聲架！
飲品方面都係無限添飲嘅， 除咗有一般汽水橙汁供應之外， 還有一部咖啡機可以沖調咖啡， 或者可以飲夏枯草等清熱飲品！
仲有台式泡茶，所以飲品選擇都多，我當然立刻為自己冲調左杯Morca來飲！
成晚令我覺得最正嗰part係 ，會發現驚喜係陸續有嚟嘅， 行到去水吧位會發現有親手包嘅洋蔥牛肉攪和韭菜豬肉餃， 隻隻都脹卜卜， 試咗洋蔥牛肉餃好得意，真係淨係洋蔥同牛肉去做，但係食落唔會嚡口，因為洋蔥啲汁會一路煑一路流出嚟，令到個牛肉餃有好juicy嘅感覺，都ok好食！
再行過少少仲有好多甜品選擇， 例如有麵包布甸 ，更加有我最愛嘅焦糖燉蛋！ 而且係用茶杯裝細細杯，夠曬的色，啱曬我呢啲鍾意食兩啖試下味嘅女仔！ 塊焦糖仲係脆卜卜架！
最後的驚喜就當然係有dreyer's雪糕任食啦！ 而且非常大方地有兩個大雪櫃㗎！ 唔鍾意食雪糕仲有韓式雪條任你揀！超正！
張貼
