喜來稀肉 (瓊華中心) (已結業)

正宗韓燒專門店 — 喜來稀肉呢間喜來稀肉之前都試過一次，今次又嚟咗旺角瓊華中心分店試吓，呢間分店裝修以藍色風格為主，見到門口旁邊仲有放置凍肉櫃，環境都好大，坐得都幾舒服。前菜係以自助形式出去拎嘅，包括有青瓜、酸蘿蔔、涼拌芽菜、泡菜、生菜等，想食幾多就自己出去拎，醬汁都係，方便好多～▫️護心肉($158)每次食韓燒都好鍾意食呢個款肉😆護心肉夠爽口😋份量都正常▫️🍙蟹籽紫菜飯團($50)店員會提供手套🧤可自行包飯團，飯嘅份量好多，面頭重鋪咗好多沙律醬 +蟹籽+紫菜，勁豐富！包到成個波咁樣食，好滋味！▫️🍑桃汁$20▫️地址：喜來稀肉旺角彌敦道628號瓊華中心7樓。尖沙咀金巴利道79-81號金栢閣1樓連地下。銅鑼灣登龍街41-51號金龍大廈1樓。