喜來稀肉 (瓊華中心) (已結業)

好耐未食過韓燒啦！今日嚟到旺角呢間喜來稀肉食正宗韓式燒烤😍正呀😆🥩 一黎到staff都好熱情招待我地入座，介紹左個小自助吧俾我地，自助吧有前菜自助吧，連生菜都係任拎，任食架。小菜都有6款，辣泡菜、酸辣泡菜、荳芽、青瓜、葱絲及酸蘿蔔，同埋有包肉既生菜籃，解膩一流，醬汁方面仲有唔同選擇😆啱晒我呢啲食晒又唔係咁夠膽叫佢再加嘅人😍我哋兩個人食咗一個802 set 入面有(喜來烤肉，牛五花，牛頸，牛肋骨肉，同埋調味牛扒骨)$580，仲加咗一個水冷麵$95，鍋邊仲有蛋😆🍳🥚一邊淨係蛋一邊有加芝士嘅蛋🥚😆😆牛肉既花紋都好靚好吸引，份量都夠2個女仔食😋 牛肉唔同部位都有唔同既風味，成個拼盤最吸引到我嘅眼球👀就係朵花花，花花係喜來烤肉🍖整到好靚。我自己最中意食五花腩，夾住生菜、泡菜加芝士蛋簡直係一流呀😆！ 最近天氣開始熱 食水冷面都係一個幾好既解暑方法🧊🥢 冰冰涼涼酸酸甜甜vry good呀！ 食緊途中staff都幫我地望下火候、換燒板我覺得都好貼心😚 背景音樂仲要播緊K-pop 好似去左韓國咁呀🤣 如果多啲人再嗌多啲野食就正🥹