喜來稀肉 (已結業)

又陪男友食韓國菜，今次揀咗喺香港頗有名氣嘅燒肉店。餐廳有任食嘅爐邊蛋，而且店員會主動問需唔需要refill。芝士蛋有唔少mozzarella🧀，有淡淡芝士香亦有拉絲效果。.🥩牛肋骨肉$138牛肋骨肉比較厚身，雖看似比較肥，但燒烤時油份逼晒出嚟，食落唔油膩。同時肉味都好濃。.🍜水冷麵$85雖然日漸感覺到秋意，但水冷麵依然係烤肉嘅好拍檔。冷麵以蕎麥製成，因為麵條煮熟後會即刻過冷河，所以韌性好高。配料有雞蛋、青瓜絲、番茄、醃蘿蔔。整體酸甜清新，中和到烤肉嘅油膩。