食道樂

營業中

休息中

成日聽朋友講崇潔街多嘢食不過我少嚟哩頭今日專登嚟試下！哩條巷仔小小但黃店都唔少好多間都嗌過/ 外賣食過好有親切感！哩間聽講係韓國人主理一入到嚟真係有兩枱韓國人食緊！周圍都掛住韓國🇰🇷旗Waitress 姐姐仲成個韓國人咁款我幾驚佢唔識廣東話！我地嗌咗甜辣炸雞配炸年糕上桌到食完最後一件都仲係熱嘅👍🏻👍🏻真係即炸 好正！份量都好大我一個人都食咗三隻雞翼其他全部無骨！韓式醬烤排骨 我地揀咗有骨一開頭以為係豬無問清楚原來都係牛🤣啲肉好嫩 醃得啱啱好不過唔多似排骨 似牛仔骨同埋牛肉石鍋拌飯哩個真心唔錯配料好足 味道豐富自己落醬 又有飯焦 好好味！