渝味曉宇重慶老火鍋 (渣甸中心) (已結業)

呢間重慶老火鍋係上過舌尖上的中國，被選為重慶火鍋的代表，所以好值得一試。呢度最出名係九宮格麻辣大火鍋，選用最難的充氣朝天紅，加埋牛油同埋其他配料而成，但因為我唔係好食得辣最後選擇左鴛鴦鍋。係火鍋黎之前佢會附送一碗雪耳糖水。我揀咗皮蛋芫荽湯底配微辣重慶火鍋，鍋底無論你揀咩每位$38。皮蛋厭世湯底清甜芫荽味夠重，同麻辣湯底互補不足。呢度好好嘅係每一道餸佢都可以俾你選擇半份或者一份，啱晒兩個人泥食嘅朋友仔。可以每樣食小小叫多幾樣野食。另外，佢亦會說明某些餸菜需要煮的時間。安格斯牛肉肉質嫩滑，紋理都好靚，配上麻辣湯底好好味。喺店舖嘅電視上見到推介大刀牛肝，就叫咗半返嚟試吓，牛肝上有蛋黃，將其攪拌在一起，然後煮3分鐘，在點上辣椒粉。味道其實同豬潤差唔多，但有少少牛嘅香味。其他素食類都好好味，例如木耳非常爽口，竹笙亦好清甜。甜品叫咗半份紅糖糍粑，口感軟糯，配上芝麻糖漿感覺不會單調。