越蘆越南牛肉粉 (已結業)

今日心血來潮想食越南PHO，屋企附近有間"越蘆"一直都想試，今日正好同家人去試試。餐廳裝潢明亮藍色有格調，坐得十分舒適。Menu選擇不少，小食十分多，好多款都想試。越南素春卷 $58素春卷也好有特色，外皮極脆，餡料豐富，好好食。會安烤豬頸肉 $86豬頸肉有驚喜，肉質爽又嫩，肉香烤味濃，十分惹味，份量又夠，我同家人都大讚。生牛肉牛肉丸湯粉 $76先試招牌生牛肉牛肉丸，碗好大，份量足，湯底清甜，牛肉香嫩肉味濃，牛丸爽彈，都幾好。會安鴨檬（鴨仔蛋、鴨肉）$72好少可以食到鴨仔蛋，十分正宗，家人點的，撈檬蘸上越式酸汁，幾開胃。