佐敦一向都係美食嘅集中地，尤其係韓國菜，真係成行成市。今次我就的起心肝，去試下位於上海街，聽聞好有韓國地道風味嘅「鍾路韓國餐廳」。
🥩 鎮店之寶： 濟州黑毛豬五花腩 ($288)
嚟得韓國餐廳，點可以唔試下佢哋嘅燒肉？我哋今次叫咗個「濟州黑毛豬五花腩」，一上枱，嘩！塊五花腩真係好厚切，紅白相間嘅紋理好靚，未燒已經令人流晒口水🤤。
店員會好貼心咁幫你燒，完全唔使自己動手，可以專心同朋友吹水。塊豬五花燒到兩邊金黃香脆，中間仲keep到肉質嘅嫩滑同juicy。燒嘅時候啲油「滋滋」聲咁滴落嚟，真係超級治癒！😍 剪開一舊，用生菜包住，加埋蒜片、泡菜同辣醬，一啖擺落口，豬油嘅甘香、蔬菜嘅爽脆、醬料嘅惹味，一次過喺口腔爆發，層次感非常豐富，完全係頂級嘅享受！豬肉本身嘅肉味好濃，完全冇豬臊味，果然係premium pork belly！
🧀 邪惡之選：芝士炒飯 ($50)
食完燒肉，個鐵板上面仲有滿滿嘅豬油精華，梗係要整個炒飯啦！我哋加咗個「芝士炒飯」，店員會即場喺你面前炒，將飯、泡菜、紫菜同粟米撈勻，再喺中間鋪滿邪惡嘅芝士。等啲芝士慢慢溶化，再同個飯撈埋一齊，每一啖都拉到絲，超級滿足！🤤 飯粒吸收晒豬油同泡菜嘅味道，酸酸辣辣，非常開胃。
🐔 驚喜菜式： 燉安東雞 ($358)
除咗燒肉，我哋仲試咗個「燉安東雞」。呢個菜一上枱，份量十足，真係嚇親人！大大煲入面有齊雞件、薯仔、紅蘿蔔。個醬汁睇落好深色，但食落唔會死鹹，反而係帶點微辣嘅甜醬油味，非常惹味。
雞件炆得好入味，肉質好嫩滑，一啲都唔嚡。最精彩嘅係個粉絲，吸盡晒個醬汁嘅精華，變得煙煙韌韌，好好食！薯仔同紅蘿蔔都炆到好腍，入口即溶。呢個餸用嚟送飯真係一流！👍
鍾路韓國餐廳 (Jong Lo Korean Restaurant)
📍地址：佐敦上海街19-21號德寶城地下5號舖
4
