阿元來了 (已搬遷) 新店位置

同朋友去完西環碼頭後就去食阿元來了😍可能因為係星期五晚，都要排大約一個鐘😿不過店員都好貼心咁同我地講大約要排幾耐，等我地可以去附近行下。我地叫左珍珠奶茶👍🏾 珍珠好彈牙，奶茶又唔太甜，好味😋魯肉飯：正宗既台灣味道,豬腩肉肥瘦均勻，唔太咸，份量岩岩好，可以試埋其他小食😬花枝丸： 唔會炸都好油，真係有花枝👍🏾鹽酥雞：普通既台灣口味蚵仔麪線： 要五點前落單先可以食蚵仔煎，所以食左蚵仔面線。蚵仔好新鮮，個湯底酸酸地好開胃，但略嫌面線太碎。蝦捲：好好味👍🏾個wasabi 同平時壽司店食既有分別，真係有刺激既口感，同埋好鬆軟，推介👍🏾👍🏾總括來說，雖然要排隊，但店內的台灣風味好出色，值得再尼試👍🏾