囍玥潮州酒家 (已結業)

以往概念食潮州野都剩係識食鵝片, 蠔仔煎, 韮菜豬紅之類, 呢日約左個客, 咁啱佢係潮州人, 佢叫左D平時都唔識既正宗潮州菜黎食.

潮式凍龍蝦, 凍蟹可能會食得多, 凍龍蝦第一次食. 清蒸後再急凍, 低溫即時鎖住最鮮既味道, 肉質飽滿結實, 每一口都感受到龍蝦新鮮彈牙.

凍食食到龍蝦最鮮甜, 唔似熱食芝士焗或者上湯焗蓋過晒海鮮既鮮味, 越食越開胃.

潮式南瓜餅, 呢樣係潮州好鍾意既糕點, 將南瓜蓉加糖之後蒸, 凍左之後再煎到兩邊金黃色, 外表脆脆地, 入面就軟腍腍.

好香既南瓜味, 甜甜地唔漏, 係一味又健康又好味既飯後甜品.