南駅 (已結業)

又係我大食妹為大家搵好野食，今日放假去左九龍灣行，知道有間食海南雞飯好得既新店開左，所以就黎試下。海南雞飯 $78: 由於唔食油飯，所以改左白飯。海南雞肉質用上冰水浸煮，所以雞肉唔會太老，加上用上特別的配料醃製，雞味滲入了醬料後，更有雞味，加上雞既份量大，絕對夠飽。海膽海鮮炒飯 $78: 用上鮮蝦，蟹柳，蜆肉去炒既炒飯，食落海鮮鮮味濃郁，海膽又新鮮，又多，唔會有苦澀味，而且飯底用上蛋白去炒，可以減輕太油的口感。瑞士雞翼$60 ： 大大隻的雞翼，用上瑞士汁去煮，加上冰糖去醃製，甜度十足，雞翼唔會煮得太老，肉味鮮嫩，爽口彈牙，用黎送啤酒一流。最後，今次我俾4個大食指數，依到坐位大又舒服，食物份量又多，係朋友飯腳的新熱點。