泰坊 (已結業)

試試工廈樓上泰國菜。佢哋好多員工都係泰國人，食物口味都好正宗。.🥢燒豬頸肉 $66燒得特別香口，有焦香但冇燶味。我鍾意佢胡椒味比較重，比起平時嘅香茅味道更有特色。.🥢豬肉生菜包 $78生菜新鮮翠綠。豬肉碎香料味道重，有大量葱花，夾雜唔少切成細段嘅香茅。而且味道有少少辣。.🥢冬陰公大蝦湯 $108湯頭濃郁而且酸辣開胃。除咗唔少秀珍菇，仲有爽口彈牙嘅大蝦。.🥭黑白芒果糯米飯 $78芒果清甜無渣。呢度嘅白糯米飯班蘭味好重，質感軟綿。相對地黑糯米好有咬口。佢哋嘅椰漿特別濃稠。