阿來東南亞風味 (已結業)

黎到旺角又唔知食咩好，今次行行下，見到門口有好多人排隊 😂 原來係一間泰國野，不過泰國野多數係受歡迎嘅，等左一陣好快就有位，例牌食泰國野就叫 2 個椰青補補去先啦，佢地椰青好清甜，好多水好正 🤤先黎個主食，泰式鮮蝦炒金邊粉，盛惠 $53，係的確幾正宗嘅 pad thai，酸酸甜甜咁，份量又大碟，蝦又多，好惹味呀！要飯就當然要配個菜啦，泰式咸魚炒通菜，盛惠 $68，呢個就有小貴啦，但的確幾大碟，炒得又幾入味嘅，重口味人士就必叫啦！❤️最後最正嘅就係呢個啦，鐵板蠔仔蛋 $78，大大個鐵板，好大好大份，蠔仔嘅密集度真係好高，勁多蠔仔，真材實料，呢個就抵食啦！！