我同啲同事12點倒黎到，仲有張四人枱可以坐～
老闆娘好好人，好nice, 有熱情招待！
我地每人叫咗碗冬蔭公金邊粉 單併$45, 雙併$58!
(個人認為單併係抵啲）
個湯真係好正，我平時出街食開小小辣，但佢依個辣度我都接受到，唔會辣到食唔到，好地道嘅味道！
不過個豬頸肉就乾咗少少。而個金邊粉都好正，唔係平時食開嗰啲，佢係比較硬身啲，但好滑，有別於其他地方食嗰啲！
另外其實個麵底係可以揀泰國隻mama即食麵，我平時去泰國係必食同必掃依隻麵，下次會試下叫
我地仲叫咗個泰式酸辣鳳爪share食，好入味，比個冬蔭公湯辣，唔食得辣就要諗清楚喇！
唯一挑剔位係佢用哂發泡膠黎裝食物，唔係幾環保呀！不過間舖都幾細，可能唔係幾夠位洗野掛～
ps 天氣熱嘅時候食依間係幾辛苦，因為得把風扇吹住，仲要食住辣野真係食到滴哂汗，所以比較建議涼啲先去食！
雖然環境唔多好，但佢嘅食物質素絕對值得我回頭！
(老闆娘主動比水我地，好好服務！）
