影片
更多
2017-07-04
191 瀏覽
#thebestthaifoodinhongkong正宗泰國菜！泰人泰廚泰菜泰正啦！六個人食左十五個餸以為已經好癲！？NO! 三個人叫八個餸才瘋狂吧！😂 一星期去足三次，人地吾知以為我係老板！？但真係不得之了的好食！連我甘嘴尖再加又識煮又識食既英倫室友都話好食，就真係吾係講笑！！！以下是 #tunnelavenue #泰菜組 #人頭生蝦分隊 的食評：• 泰式生蝦 (肥大肉厚連個蝦頭都炸埋比你食，煙奀香脆，真材實料，連醬料都改埋綠色，PREFECT!!! 我地一人叫左一碟，叫到隔離台都無得食，吓親店長，以為落錯單XD)• 泰式火焰燒春雞 (睇片就知有幾勁！吾洗講甘多～）• 海鮮冬陰公 (真係我係香港飲過最好飲既冬陰公，吾係得酸辣香甘簡單，味道豐富到我形容吾到，最正係每碗都有一大隻越南大頭蝦）• 泰式海鮮沙律 (有彈牙蝦肉，好"札"既札肉，最新奇係我未見過有沙律係用雪耳，但真係好索味出奇地好食）• 蝦餅（就吾洗講啦～食泰菜一定會嗌！但吾講吾知要做到甘彈牙，只係用蝦係做吾到架！要加少少墨魚滑同肥豬肉先可以做到甘既效果，吾怪得連平時打邊爐既鮮蝦滑都無甘彈）• 泰式傳統咖哩大肉蟹 (原來泰式傳統
正宗泰國菜！泰人泰廚泰菜泰正啦！六個人食左十五個餸以為已經好癲！？NO! 三個人叫八個餸才瘋狂吧！😂 一星期去足三次，人地吾知以為我係老板！？但真係不得之了的好食！連我甘嘴尖再加又識煮又識食既英倫室友都話好食，就真係吾係講笑！！！以下是 #tunnelavenue #泰菜組 #人頭生蝦分隊 的食評：
• 泰式生蝦 (肥大肉厚連個蝦頭都炸埋比你食，煙奀香脆，真材實料，連醬料都改埋綠色，PREFECT!!! 我地一人叫左一碟，叫到隔離台都無得食，吓親店長，以為落錯單XD)
• 泰式火焰燒春雞 (睇片就知有幾勁！吾洗講甘多～）
• 海鮮冬陰公 (真係我係香港飲過最好飲既冬陰公，吾係得酸辣香甘簡單，味道豐富到我形容吾到，最正係每碗都有一大隻越南大頭蝦）
• 泰式海鮮沙律 (有彈牙蝦肉，好"札"既札肉，最新奇係我未見過有沙律係用雪耳，但真係好索味出奇地好食）
• 蝦餅（就吾洗講啦～食泰菜一定會嗌！但吾講吾知要做到甘彈牙，只係用蝦係做吾到架！要加少少墨魚滑同肥豬肉先可以做到甘既效果，吾怪得連平時打邊爐既鮮蝦滑都無甘彈）
• 泰式傳統咖哩大肉蟹 (原來泰式傳統咖哩係吾辣架！係用幾款吾同水果煮架，香香甜甜，岩晒d 吾食得辣既朋友！仲有都幾辣的青咖哩，但我仲未試到～最值得讚既係隻蟹炸得好好，好有驚喜！肉蟹竟然炸到軟殼蟹甘，可以連殼食，我仲以為自己叫錯左軟殼蟹XD, 但當然個蟹鉗就吾可以連殼食，都係硬既）
• 魚餅 (賣相一流，味就一個字：鮮！）
• 豬肉串燒 (都真係我食過最好食既泰式串燒，肉厚多汁，一d都吾乾架！同果d 批發買反唻一早串好晒既更係吾洗比，贏九十條街到，最搞笑係配左一碗小糯米飯，有d R頭吾係好知點食，泰廚話係要用手食，一啖豬肉放係一啖飯上面再點汁，呢件事真係好泰）
• 泰式燒魷魚 (新鮮多汁，吾係雪藏"手扼"甘，你明我講咩架可?! 姐係果d 食落好似膠造一世都𡁻吾爛，吞吾到果d 呀）
• 芒果糯米飯 (糯米飯果軟硬合到好處！同埋我果日食個芒果好甜喎）
• 蒜蓉包 (都不是開玩笑，連我吾中意食包都要食兩舊，外香脆內軟煙奀，請睇片！會拉絲既面包呀！好食既程度係其實你中午行過會想外賣一碟拎走，而且覺得點左咖哩係會另個包失左色。吾係誇張～店長話原來日日都用當天出爐新鮮面包。我fd 話入貨就係佢樓下果個面包鋪，但就算買反同一款面包自己都係做吾到甘好味架啦，因為你無左泰廚果d 又搽又焗又搽又焗N次既心機，有時有d 錢係要比人賺下XD 但因為心機野，所以要早D 落單，吾係就同吾到咖哩一齊食）
• 泰式豬頸肉 (吾乾吾奀夠juicy, 係香軟，連老人家都食到）
• 生菜包 (果味真係好好！咸辣適中，雖然甘講好廢，但都真係講吾出有咩特別味而另佢甘好食，要自己試，但好值得讚既係佢就算凍左都吾會乾，keep 住係juicy,我估可能落左d 肥肉？但又吾會覺油膩喎～）
• 泰式鹽焗魚 (吾知呢條係咩魚，但望落就吾多似係平時會蒸唻食既魚，姐係都吾方預左滑啦，但佢都比我想像之中滑同多汁，連我第二次去晚晚飯台上都要有魚既爸媽都話吾錯，有魚鮮味。但睇晒全個餐牌都無爐燒魚，店長話泰廚好有性格，泰國人食魚無爐架，用個爐一路著一路食就會愈食愈"鞋"。甘又係啵，泰國一年365都甘熱，仲點會用爐XD 我問台長甘冬天香港會否考慮出下有爐版呢？香港冬天都"凍"架麻XD 佢話睇睇到時泰廚心情係點喎）
• 香脆炸雞全翼 (係泰菜嗎？其實我吾知，但見到隔離台叫果碟甘靚就叫唻試下，真係好juicy, 中午叫個炸雞全翼飯就正啦～其實可吾可以出炸雞全翼下午茶餐！？配佢果真係用泰式茶膽整既泰式奶茶就真係無得頂，下午蛇王之選，但不過我亂up,其實係無呢個餐XD 老細見到可以考慮下。仲有一個聲稱係鎮店之勁既芒果魚，我仲未試，下次要試下）
講多無謂，試下最實際，訂位就搵講野都泰泰地既泰肥店長！（我一度以為佢吾識睇中文，其實係識既，可以whatapps 佢訂位訂party room都得！）
* 由於頭兩次去都新店開張第一個星期，佢地都跌晒腳，因為眼見人都真係多，爆晒棚，出菜就慢左D。但第三次去已經係正常速度啦！店長話因為廚房終於full team, 而且新泰廚仲好靚仔。我地即刻係廚房果個小窗偷望。嘩！大家即刻😍😍😍😍佢識小小中文，好cute (算係呢間鋪既bonus 啦 😂）
* 哎呀～ 原來openrice 係放吾到片，睇吾到火焰燒春雞有幾勁，蒜蓉包有幾甘拉絲添！希望泰肥店長有share 我拍果兩條片係Thai-In facebook page 啦！我覺得我拍得靚佢間鋪條片啦喂 😂）
$200
9 瀏覽
0 讚好
0 留言
張貼
