金鶴拉麵 (九龍城道) (已結業)

成日行經土瓜灣,大把好野食,又有御麵又有金加利仲有叉燒王,間間出名,間間好食,所以無人會行出多少少去紅蘋果搵食。今日咁岩行過紅蘋果,見到金鶴拉麵居然開左係土瓜灣,金鶴拉麵都算出名,成日聽到,見佢門口普普通通咁,咁低調本身都冇乜期望,抱住一食無妨既心態入左去。點知一入到去,舖頭入內裝修好唔錯,仲有吧檯有坐檯,坐檯設計都好有味道,好有日本既感覺,店員又好貼心咁搵左個位俾我地放書包,服務一流呀!不過,寫得食評,都係想講野食.我同朋友就叫左黑蒜拉麵,白雞肉拉麵,明太子雞翼同埋雞泡魚干。免費既飲料有熱茶同涷水,熱茶有啲粒粒燸米,好有口感,飲落味道又清甜,真係非常之好。搞笑既地方係,係熱荼同涷水之間,我朋友揀左溫水,但店家都立即提供到,相當值得一贊。先講小食，雞泡魚干好高質！一黎好少地方有，二黎店主真係燒到好靚，唔會太干，好似有啲店食埋干巴巴食到好唔舒服，同時又唔會太濕岩岩好，個蛋黃又係錦上添花之作，食到我停唔到口。明太子雞翼方面，即叫即整，熱辣辣，明太子又多，大大份，重點係，翼尖店主用錫紙小小包住，方便食客可以拎起黎食，好貼心😍拉麵方面，黑蒜拉麵夠晒重口味，一個字，正呀！黑蒜味道好突出，唔似有啲