函館元祖北海道拉麵

營業中

休息中

第一次嚟食。店仔細細，都好乾淨舒服。聽講午飯時間逼到爆，不過嚟時已係晚上八、九點，所以店入面都係得十零個客。如常都係揀最普通嘅嚟試。由於打正招牌係北海道拉麵，所以揀咗濃味味噲拉麵。原本加叉燒，不過好店員好好，提話本身都有少少（兩片），於是改為加炸雞。湯夠晒濃，唔太鹹，食完之後亦冇口渴。拉麵係粗同較硬身嘅函館系拉麵，如果鍾意食本州幼身嗰隻嘅可能會覺得太硬。炸雞我覺得好好味，唔點醬就咁食都正。銀鱈魚定食就一般，冇乜特別。唔知係咪香港區，我覺得都幾貴。