鼎豐雞煲泰國菜 (已結業)

今日同朋友過咗嚟太子道行街，冇得去旅行梗係喺香港到周圍搵嘢食啦，好彩嘅係香港係美食天堂，好多個國家嘅嘢食喺呢度都搵到，今次就同朋友過咗嚟位於太子間嘅泰國菜餐廳💕依間餐廳環境超級闊落同埋乾淨，重點係嘢食超級大份同埋抵食，老闆話就算打邊爐都唔需要收醬料費，超級抵食呀！首先我哋叫咗一個椰子雞煲真係真材實料！職員仲喺我哋面前開咗成個椰子，將椰子水同埋椰肉都到晒入去，所以裏便湯底都可以飲，而且雞肉嘅肉質超級鮮嫩，性價比極高😋另外仲叫咗一個蒜蓉牛油雞中翼味道唔會好重口味或者好鹹，相反即係味道條配得適中，令到雞翼嘅味道好出，而且雞肉肉質非常鮮嫩💕另外最推介嘅係依度嘅沙嗲串燒，可以要齊晒豬牛雞，肉質鮮甜，點知沙嗲醬食就更加滋味！