影片
更多
2020-11-15
20 瀏覽
天氣又開始凍，火鍋怪係時候出動！繼上星期既芝士鍋之後，又點少得我最愛既麻辣鍋，知道碼頭故事係四川成都過江龍，正宗有質素，岩岩開左銅鑼灣新分店，梗係即刻去試喇！.首先地理位置好就腳，就係sogo 行過少少，行完thankful week上去岩岩好！位置好闊落，二人都可以坐四人卡位.食物種類都不少，有好多款比較少見但四川火鍋必備既配料，例如黃喉，小酥肉，薄切窩荀片，鮮鴨血，冰粉等__________________________🍜鴛鴦鍋 $159鴛鴦鍋一邊就梗係麻辣喇，另一邊就揀左蕃茄湯。.麻辣叫左中辣，辣度夠刺激之餘，唔會太搶，攪到啲野食得個辣字，個麻令到條脷同咀唇好酥麻，夠過癮！紅油又唔會多到你覺得每樣野食都俾油包住咁膩.每人都會送一樽調和油俾你，增加麻油香味之外，可以中和下辣度，就算叫得辣左，都唔會怕，最緊要係個油會保護個胃無咁刺激.蕃茄湯幾清甜，用黎浸菜一流，唯一美中不足係唔係好多蕃茄食下.🔹一米肥牛 $159肥牛鋪滿一米長木板，用黎影相機一流叫做肥牛但又唔係好肥😂牛肉肥瘦平均，有少油脂又有牛肉味.🔹黃喉片 $148大塊又夠脆身，不過黃喉本身係一樣無乜味既食材，又唔特別索味，但我
天氣又開始凍，火鍋怪係時候出動！繼上星期既芝士鍋之後，又點少得我最愛既麻辣鍋，知道碼頭故事係四川成都過江龍，正宗有質素，岩岩開左銅鑼灣新分店，梗係即刻去試喇！
.
首先地理位置好就腳，就係sogo 行過少少，行完thankful week上去岩岩好！位置好闊落，二人都可以坐四人卡位
.
食物種類都不少，有好多款比較少見但四川火鍋必備既配料，例如黃喉，小酥肉，薄切窩荀片，鮮鴨血，冰粉等
__________________________
🍜鴛鴦鍋 $159
鴛鴦鍋一邊就梗係麻辣喇，另一邊就揀左蕃茄湯。
.
麻辣叫左中辣，辣度夠刺激之餘，唔會太搶，攪到啲野食得個辣字，個麻令到條脷同咀唇好酥麻，夠過癮！紅油又唔會多到你覺得每樣野食都俾油包住咁膩
.
每人都會送一樽調和油俾你，增加麻油香味之外，可以中和下辣度，就算叫得辣左，都唔會怕，最緊要係個油會保護個胃無咁刺激
.
蕃茄湯幾清甜，用黎浸菜一流，唯一美中不足係唔係好多蕃茄食下
.
🔹一米肥牛 $159
肥牛鋪滿一米長木板，用黎影相機一流
叫做肥牛但又唔係好肥😂
牛肉肥瘦平均，有少油脂又有牛肉味
.
🔹黃喉片 $148
大塊又夠脆身，不過黃喉本身係一樣無乜味既食材，又唔特別索味，但我就係中意食佢個口感
.
🔹竹筒墨魚滑 $98
手打墨魚滑兩大條夠哂食，味道鮮味，口感唔算好彈牙，但都好咬。
.
餐廳只係俾左一隻大匙羹我，有啲難刮啲墨魚滑落黎，建議可以俾啲幼身啲既板俾食客刮
.
🔹手工窩荀片 $55
好考師傅刀功，切到咁平均咁薄，又大大片。
滾一滾就食到爽脆，滾耐啲索埋湯汁，好食！
.
食完填一份短問卷仲一人送一個佢地自家制既酸辣粉
張貼
