川辣皇 (已結業)

旺角花園街好多好食嘅餐廳，最近去食咗一間川菜餐廳，揀咗佢地嘅晚市二人套餐，真係食得好開心！份量多！質素高！我地大飽口福。前菜：麻辣蓮藕仔蓮藕仔唔係傳統嘅蓮藕片，細細條，好爽口，加埋秘製嘅麻辣汁，好開胃小菜：京蔥爆牛肉牛肉切成薄片，火候控制得好好好，保持咗牛肉嘅嫩滑口感。再加上京蔥嘅香氣，真係一絕。味道鮮美，搭配埋白飯一齊食好正！麻辣乾鍋有好多配料可以揀，我哋揀咗萵筍、五花腩片、同埋椰菜花，味道都有好多款可以揀，我哋揀咗孜然味，好香，令人胃口大開，全部食材都好新鮮招牌酸菜魚魚肉好鮮嫩，好滑！湯底有好多芽菜、酸菜、木耳，湯底好濃郁，正！黃金糍粑糍粑外層炸得金黃酥脆，內裡軟糯，味道甜而不膩。食完一餐嘅重口味，呢個黃金糍粑真係一個完美嘅結尾。