一入店就見到open kitchen入面同樓面嘅同事都係泰國人，真係未食都覺得呢間餐廳野食正宗呀。
27
泰式醉貓和牛炒河（$118）
鍾意食辣嘅你一定要試呢度嘅醉貓炒河，泰式香料同辣椒都好足料，闊河粉口感煙煙韌韌，炒得好有鑊氣，和牛片冇炒過老，仲保留到肉汁，份量大約6片。
泰式香葉肉碎+煎炒太陽蛋（$88）
呢碟肉碎一樣炒得好有鑊氣，泰式香葉味道夠突出惹味，但
最驚喜係隻（炸）都好香脆嘅太陽蛋，蛋白位煎炸到勁酥脆，但蛋黃部份仲keep到係流心，用嚟撈飯係冇得輸。
泰式串燒豬肉10串（$98）
平時最驚食到串燒係燒到勁乾，但呢到嘅豬肉串燒係燒得剛剛好，豬肉本身好腍，有肉味，而個靈魂沙嗲醬就超惹味同帶有少少椰香，話咁快10串就好快掃哂。
1
芒果沙冰（$48）
西瓜沙冰（$48）
食味濃嘅泰國菜好自然就要配消暑解渴嘅沙冰，呢次兩杯沙冰都做到解膩效果，而西瓜沙冰仲附送埋6球西瓜肉當飯後果食。
1
椰子雪糕吐司（$68）
最後試埋呢個吐司甜品，我地揀左泰式奶茶醬，吐司本身搽左牛油先拎去烘烤，個奶茶醬唔算太甜但茶味濃，食到最尾唔會膩到食唔哂，椰子雪糕上面有埋一條條椰子肉同花生做配合，增加口感，而呢度有個細心位就係餐廳已經將吐司切開細細舊，方便客人食用。
1
