海南少爺 (已結業)

約左三個好朋友到尖沙咀海南少爺食星洲菜，餐廳安排窗口坐位比我地4人坐，窗外對正海景，令人賞心悅目，它的坐位不算擠逼，與鄰枱距離都有空間，我地可以閑適傾計，四圍環境也很舒服。我哋點了木耳牛篣小食，咖喱蔥油餅、海南雞、炒通菜及煎蠔餅。木耳和牛篣切得好幼細，用魚露及醬油醃嘅木耳及牛篣非常吊味。蔥油餅好鬆軟，咖喱汁不辣但非常野味，佢嘅燶度好恰當，稀杰適中。海南雞非常香滑鬆化，有雞嘅香滑味，咬落好juicy, 它的拌醬料亦好滋味，我哋選擇油飯配海南雞，真係讓我地好好放肆地開懷大吃，半隻海南雞巳夠我地四個人食了。而馬拉箋炒通菜都很滋味，個馬拉箋醬汁好惹味。我們又叫左個煎蠔餅，由於它是煎的蠔餅，咬落仲有香濃蛋香，而蠔仔仍有creamy味道，佢嘅質地一啲都吾乾身，這個餸亦有好多蠔仔，同外面食嘅炸蠔餅完全唔同。我哋又選咗豬及雞肉沙嗲串燒拼盤，燒出嚟嘅肉質有咬口，並不乾身，texture還很juicy，非常滋味，醬汁好有層次感，有沙嗲、咖喱及五香粉的味，非常好味。餐廳所提供的中茶係茘枝紅茶，透出陣陣茘枝香味，亦有香口的咸蛋王炸魚皮小食，香脆可口，配合茶香及各種美食及舒適的環境，真係好寫意舒服。