十兄弟車仔麵 (已結業)

星期日去灣仔探朋友，再順便食個晏。假日嘅春園街有好多餐廳都無開，唯獨掛住黃色招牌嘅「十兄弟車仔麵」好矚目✨，而且人流更係源源不絕。小店面積細細，不過環境都算幾四正，加上冷氣充足，衛生良好👍。呢度採用QR Code落單📱，但老實講嗌車仔麵都係鍾意畫畫寫寫多啲，咁先至夠傳統，哈🙈。👑皇牌必食推介系列🍜，第一碗餸料包括蠔皇紅燒鮑魚($28/兩隻)、牛骨濃汁牛丸($14)、墨魚腐皮卷($12)、瑞士雞中翼($13)以及生菜($9)。鮑魚幾正，食車仔麵食佢成個感覺真係昇華咗；牛丸同墨魚卷都係靚貨，但份量偏少，稍為貴咗啲；雞翼反而有三隻，而且仲好入味添🍗。湯底要咗腩汁，味道唔會太鹹；麵底則要咗米粉，但質感滑滑哋，唔太索汁，唔係我心目中嗰種。🐮自製牛魔王系列😈，第二碗餸料包括柱候牛坑腩($13)、五香金錢肚($13)以及咖喱牛柏葉($10)，牛牛牛，無得輸，而且牛系列嘅餸唔係以件數為單位，每樣餸份量都多！牛腩肥瘦適中，肉質軟稔，肉味濃郁；金錢肚同牛柏葉質感同樣爽彈，而後者嘅咖喱味就好鬼香。湯底要咗秘製香辣汁，估唔到咁出色，因為夠晒「麻」，而中辣亦無想像中咁辣🌶，開頭被隔離枱嗌好辣嚇親。麵底要咗最正宗