九龍坎麻辣火鍋 (僑冠大廈) (已結業)

前排經過北角英皇道有個好特別招牌寫住九龍坎， 入口有d鬼祟， 原來喺冠橋大廈入面， 穿過華豐國貨就見到。餐廳主打四川重慶火鍋， 裝修有宮廷feel. 食得又睇得。鴛鴦湯底 (蕃茄 + 麻辣)壹號功夫牛肉手切牛頸脊鮮鴨血手工蝦滑豬黃喉章魚丸鴛鴦湯底 (蕃茄 + 麻辣) - 蕃茄湯清新，香甜。 麻辣要個中辣， 呢個麻辣味真係好正， 初初唔覺辣， 越食就越麻越辣， 真係超正， 好香。壹號功夫牛肉 - 有質感， 輕輕滾下轉色就可以入口， 肉質鮮嫩。手切牛頸脊， 非常好食， 牛味濃， 有口感， 滾耐左都唔實。鮮鴨血， 鮮鴨血比起一塊塊加工果d， 完全2回事， 鮮鴨血比較易散， 唔太實， 但入口似豆腐， 好香好滑。手工蝦滑， 蝦滑唔係機器打咁， 死實實， 呢款彈牙，有粒粒感覺。豬黃喉， 非常正， 唔係好多地方食到， 濃1分鐘轉細就可以入口， 爽脆， 似魷魚咁， 但係脆身。章魚丸， 又係打邊爐較少見嘅章魚丸， 丸裡面有一粒粒章魚粒， 好似食緊小丸子咁。