101臺灣品味館 (已結業)

逢星期一晚，我都會在油麻地搵下嘢食，跟住就去上堂。今晚經過一間菜，新開張無耐，就不防試一試啦！當時6點幾，我見座位都多，可以坐耐少少，不會趕客，唔錯！服務員都親切細心，人手不算多，不過都快手，唔覺被忽略。黎台灣食市，當然要試下鹵肉啦，我點了一個鹽酥雞扒鹵肉飯，凍珍珠奶茶。雞扒俾即叫即炸的，熱辣辣，夠哂脆，鹵肉不太甜，肉碎肥瘦度適中，唔錯，如果白飯可以多少少就更好了。我相信不夠一位男士的正常晚餐份量。至於杯珍珠奶茶，我叫左少冰，真係夠哂少冰，轉頭冰就溶哂，啱哂我！味道都還可以，奶味夠，茶香就一般，珍珠都好QQ,I like it~~到七點幾都開始人多，想試食的朋友，要早少少拎位啦！