十二味 (新都城中心一期) (已結業)

開心食辣野．唔開心都食辣野。今日同好友嚟呢間好多分店嘅餐廳食川菜。企喺門口已經聞到好香...自助落單好方便...午餐價錢好抵食，兩個人叫咗三個set, 份量一d都唔少👍🏻「牛肉麻辣香鍋」好多料，薯仔片．蓮藕片．夾埋牛肉一齊食都好正。「水煮牛肉」牛肉好淋，味道夠正宗。「酸菜魚」魚肉好滑...一條骨都無，啖啖肉。全部都可以自選辣度。跟埋前菜同飲品，幾十蚊個set, 真係好抵食。就算去唔到深圳食川菜，呢度一樣食到正宗口味。