五嫂嘅腸粉選擇都幾豐富，當中最鍾意食雞蛋瘦肉腸粉～ 因為呢一款係最多餡料最有口感，同時考驗到師傅對攪拌雞蛋嘅均勻度，所以一間石磨腸粉店好唔好食，最應該攞雞蛋瘦肉腸出黎比較。有時候想昇華口感會叫菜脯，食落更加香口同有質感。
佢哋有特製嘅自家醬汁，每日新鮮製成，唔會太鹹或者太淡。腸粉嘅質地都好軟滑，唔會太厚遮蓋咗餡料嘅味道，不過略嫌太薄身而容易破損，真係無返咁上下筷子功夫都好容易夾斷。
環境方面，平時慣咗熱辣辣新鮮出爐咁堂食石磨腸粉，覺得攞走就冇咁好味。五嫂啱啱好係巷仔對開，位置並唔多，只能容納𝟰-𝟱個人，加上都多人排隊，所以經常要企係到食。不過二三十蚊就可以食到好食嘅石磨腸粉都覺得值嘅。
1
2
7
