影片
更多
2022-09-02
386 瀏覽
銅鑼灣一間正宗印度餐廳，店內彌埋住唔同嘅香料香味麻甩專員比較少食異國菜，所以今次搵左間午市有都得食buffet嘅印度菜黎食，意外地味道都幾有驚喜店內裝修簡單，店員都係印度人所以需要英文溝通。自助餐基本上全自助形式，鐘意個樣夾個樣黎食Weekday午市Buffet都算幾抵食，$135＋10% ，包 1 杯特飲Weekend午市Buffet $180＋10%，無限soft drinkBuffet菜式如下：LAMB ROGHUN JOSH呢樣相對比較濃味，辣椒粉,孜然粉,薑黃,荳蔻粉，羊肉煮得鬆軟香濃入味，少量辣味帶出孜然同荳蔻嘅味道CHICKEN MADRAS呢款同上面羊肉嘅香料大概差唔多，但另外有加埋椰奶入去煮，椰奶中和到少少嘅辣味，椰奶味特出，雞肉包得住所有醬汁CHICKEN KALI MIRCH半煎炒雞件，黑胡椒粉同少量檸檬汁，另外加埋茴香,小荳蔻,月桂，應該仲有少量姜醬增加辣度刺激感YELLOW DAL TADKA印度豆瓣酱，有驚喜同好特別。起初專員以為係鷹嘴豆，但原來係印度香豆黎。加入大蒜, 生薑, 洋蔥, 西紅柿, 辣椒, 酥油, 孜然, 芫荽, 薑黃, 紅辣椒粉入口cream
銅鑼灣一間正宗印度餐廳，店內彌埋住唔同嘅香料香味麻甩專員比較少食異國菜，所以今次搵左間午市有都得食buffet嘅印度菜黎食，意外地味道都幾有驚喜
店內裝修簡單，店員都係印度人所以需要英文溝通。自助餐基本上全自助形式，鐘意個樣夾個樣黎食
Weekday午市Buffet都算幾抵食，$135＋10% ，包 1 杯特飲
Weekend午市Buffet $180＋10%，無限soft drink
Buffet菜式如下：
LAMB ROGHUN JOSH
呢樣相對比較濃味，辣椒粉,孜然粉,薑黃,荳蔻粉，羊肉煮得鬆軟香濃入味，少量辣味帶出孜然同荳蔻嘅味道
CHICKEN MADRAS
呢款同上面羊肉嘅香料大概差唔多，但另外有加埋椰奶入去煮，椰奶中和到少少嘅辣味，椰奶味特出，雞肉包得住所有醬汁
CHICKEN KALI MIRCH
半煎炒雞件，黑胡椒粉同少量檸檬汁，另外加埋茴香,小荳蔻,月桂，應該仲有少量姜醬增加辣度刺激感
YELLOW DAL TADKA印度豆瓣酱，有驚喜同好特別。
起初專員以為係鷹嘴豆，但原來係印度香豆黎。加入大蒜, 生薑, 洋蔥, 西紅柿, 辣椒, 酥油, 孜然, 芫荽, 薑黃, 紅辣椒粉
入口creamy再帶少少煙熏口味，配薄餅一齊食好夾
ALOO PALAK
薯仔菠菜咖哩，孜然籽, 孜然粉, 少量蕃茄, 芫荽粉, 辣椒粉, 菠菜切碎，薯仔入味包含晒所有香料嘅香味
SAFFRON PULAO RICE印度香米比較長身，食落比較乾散。
蕃紅花碎, 薑黃, 莞茜，簡單嘅香料將個飯炒得好香，當然配合埋上面嘅其他菜/醬汁一齊食係非常好食，辣嘅刺激同薑黃嘅香味出晒黎
HOUSE'S PANEER TIKKA橙色一粒原來係印度傳統食物烤酸奶芝士，表皮會烤得少量焦燶，入口比較鹹之外，口感比較實，另外食到少量辛香香料
CRISPY SEV PAPRI一片圓形細片嘅餅乾，上面放左香菜酸辣醬，包括青辣椒同孜然粉再用少量香米包住。餅乾脆口，醬汁帶酸中辣，好開胃！
甜品:RASMALAI
印度甜點。專員一向比較少食甜品，所以覺得一般，因為真係太甜
口感有如海棉一樣，吸收晒所有糖份同牛奶同埋香料嘅味道，當中仲包括玫瑰花籽同蕃紅花香料佐香
不過味道同甜嘅程度專員唔太食得習慣
飲品:
PUNJABI MANGO LASSI
LASSI其實係印度常見嘅特製飲品，呢杯由乳酪同芒果再加少量果仁沖制而成
味道偏酸，原因應該係原味乳酪嘅關係，係食野前飲一啖非常開胃
總結:以buffet形式其實唔錯，鐘意食邊款夾邊款
至於菜式方面每款食物都充滿各式各樣嘅香料味道，普遍都會有少量辣
如果未食過印度菜嘅都可以試下
張貼
