Saravanaa Bhavan (已搬遷) 新店位置

唔知點解朋友忽然想食印度野，比佢搞到o哂咀，來到尖沙咀食呢間，見到勁多印度人！反而本地人真係好少。特餐$90甜點、印度炸餅兩份，伴菜、飯、辣豆湯、藍印度甜酸香料湯、香料野肉菜、熱煲蔬菜扁豆餅，藍印酸奶拌蔬菜、蔬菜湯、印度特色娛樂、自製乳酪、特色奶油牛奶、香脆印度餅、醃菜入面真係咩材料都有啲，基本上都唔係好知自己食緊邊隻，因為同香港人平時食嘅調味料好唔同。中間嘅炸餅就比較好味，10分香脆有咸香，每一種醬汁各有不同特色，如果一個人食嘅話就可以無限refill，不過如果同朋友share嘅話就唔可以再加，唔係好知點解？另外個飯好大碗，可以點好多醬汁食。最尾我哋都係食唔晒，因為實在太多好濃烈味道嘅醬汁，每樣食少少已經足夠。印度牛油烤餅＄30做得好有水準，雖然表面好似有啲黑但係唔會有啲怪嘅窿味，牛油味好香！水果沙律雪糕＄30雪糕係比平日識嘅更加幼滑+杰身，雲呢拿味，配上下面菠蘿蘋果沙律幾清新。明顯你間餐廳主打正宗印度菜，如果想食正宗口味可以去，不過就未必係大部份香港人鍾意嘅味道啦！