北京老家 (已結業)

第二次食北京老家, 之前食過旺角分店, 今次帶朋友嚟試下我哋兩個人食, 叫咗水煮魚, 香辣雞丁同老家炒年糕😛三樣都係新嘗試, 因為我哋兩個都好食得辣水煮魚肉質鮮嫩, 配上香辣濃郁嘅湯底, 一流! 😋另外仲加入大量配菜同薯粉, 又美味又飽肚之前試過宮爆雞丁, 覺得好夠火喉, 今次就拉住朋友試下香辣雞丁, 感覺好似喺深圳經常食到嘅干炒鍋, 加入大量辣椒乾, 千祈唔好俾佢個樣嚇親, 其實並冇睇落去咁辣, 反而好香口😋炒年糕係我食北京菜同上海菜必點, 作為一個年糕控, 我就覺得佢嘅年糕不過不失, 調味方面唔錯, 亦夠哂火喉, 但年糕切得有少少粗幼不一, 令到有部份年糕片太薄, 質感偏淋