影片
更多
2020-09-26
421 瀏覽
今日去完親戚屋企，同媽媽喺附近搵野食。見到呢間食上海野就走入去試下。原本諗住醫飽個肚就算，話曬都係小店，又係喺屋邨位置。點知，小店黎講，佢都相當有水準！好食過平時嗰啲大型上海連鎖餐廳多多聲，重點係，重要平過佢地！！！同茶餐廳既價錢差唔多！！我地兩個人叫左: 醉雞，臭豆腐，小籠包，炒年糕醉雞：酒味都幾濃既，入味既，重點係隻雞係新鮮既。好多餐廳嗰啲係會有陣雪味，或者隻雞一食就知係啱啱喺雪櫃攞出黎。今次呢間係無呢情况！推介程度4粒星！臭豆腐：呢個既話，個個人口味唔同啦。我就鐘意食好好好臭既，而佢就無我想像中咁臭既😂但佢既餘韻會有陣發酵同豆味充戚喺口入面，係好食同特別既，我都唔係好形容到出黎。口感方面係要讚下既！平時既臭豆腐會好淋好散，呢個佢係做到外脆内軟，入面啲豆腐都無散開既，你地睇張相就會明。推介程度都係4粒星！小籠包: 一定要食！！！！！5粒星！！！唔係講笑。好食過平時大家食開既小籠包專門店！！皮係真係好簿！令到肉同湯既味真係好出！佢個包既湯汁唔係濃嗰種，而係鮮！！即使你點左醋，湯既鮮味都係仍然會蓋過醋既味！！真係唔試唔得呢個炒年糕: 呢個就正正常常，無乜特別既評價。口感上既話，唔會好似
我地兩個人叫左: 醉雞，臭豆腐，小籠包，炒年糕
醉雞：酒味都幾濃既，入味既，重點係隻雞係新鮮既。好多餐廳嗰啲係會有陣雪味，或者隻雞一食就知係啱啱喺雪櫃攞出黎。今次呢間係無呢情况！推介程度4粒星！
臭豆腐：呢個既話，個個人口味唔同啦。我就鐘意食好好好臭既，而佢就無我想像中咁臭既😂但佢既餘韻會有陣發酵同豆味充戚喺口入面，係好食同特別既，我都唔係好形容到出黎。口感方面係要讚下既！平時既臭豆腐會好淋好散，呢個佢係做到外脆内軟，入面啲豆腐都無散開既，你地睇張相就會明。推介程度都係4粒星！
小籠包: 一定要食！！！！！5粒星！！！唔係講笑。好食過平時大家食開既小籠包專門店！！皮係真係好簿！令到肉同湯既味真係好出！佢個包既湯汁唔係濃嗰種，而係鮮！！即使你點左醋，湯既鮮味都係仍然會蓋過醋既味！！真係唔試唔得呢個
炒年糕: 呢個就正正常常，無乜特別既評價。口感上既話，唔會好似其他餐廳咁一pat野咁。推介程度3粒星啦～
總括而言，我下次經過炮台山呢面，一定會再黎食過，因為質素真係好過好多香港既上海餐廳！！我建議大家可以食多啲呢間既非主食類食物，因為真係樣樣都有驚喜！
45 瀏覽
1 讚好
0 留言
張貼
