珍煮丹 (已結業)

Happy Friday 收工緊係去慰勞下自己啦🎉🎉今晚食飯前去左飲「珍煮丹」，落完order會全部店員一齊用普通話講「多謝」，即刻好有台灣既感覺❤❤必飲當然係佢大熱嘅黑糖珍珠厚鮮奶！第一啖飲落去，果然有好厚重嘅奶味，珍珠都粒粒分明好有咬感，飲落感覺有種芝士味，簡直有三種層次。朋友叫左杯「蓋世不知春」，一直都好好奇「不知春」係咩黎，原來係茶葉既一種。收銀處前仲擺左呢款茶葉出黎，好貼心呀💕一開始飲時，清香的茶味和芝士奶蓋味分明。但飲到最底時，會有勁濃郁既芝士味，非常適合芝士愛好者😍有時係銅鑼灣想飲杯野，又唔想等咁耐，「珍煮丹」係唔錯既選擇😋