影片
更多
2016-09-16
114 瀏覽
去完韓國已經半年, 好掛住韓國果邊D野食, 所以今晚約朋友食飯, 止一止渴食韓燒.連鎖韓燒鋪食到悶, 行行下見到呢間落地庫既韓燒, 個招牌幾得意.睇下餐牌有套餐, 或者散叫. 呢度連醬蟹都有, 都幾多完化.韓國最正既護心肉呢度有, 二話不說一定要叫, 肉味香濃, 一咬口感好軟熟嫩滑, 一D都唔韌, 好懷念既感覺.仲有最鍾意既辣炒年糕, 呢間材料都好多, 除左年糕, 仲有蛋, 餃子, 魚片等等. 食年糕某程度都好睇個辣汁好唔好味, 呢度夠辣, 辣中帶甜夠開胃, 越辣越想食, 可以既話想用D汁撈飯. 年糕軟腍度適中, 煙韌有咬口. 鍾意個粉絲卷, 外面係炸過既紫菜, 包住韓式粉絲, 脆脆地但入面又爽口, 索埋D辣汁更加正.以免食得肉多太飽濟, 要多個雜菜拼盤, 有三款菇, 翠肉瓜同洋蔥, 雜菜新鮮帶甜, 有水份, 所以食完無咁熱氣.而呢度既店員有時間係會幫你燒, 佢地燒得好用心, 而且服務好好, 下次會再黎.
連鎖韓燒鋪食到悶, 行行下見到呢間落地庫既韓燒, 個招牌幾得意.
睇下餐牌有套餐, 或者散叫. 呢度連醬蟹都有, 都幾多完化.
韓國最正既護心肉呢度有, 二話不說一定要叫, 肉味香濃, 一咬口感好軟熟嫩滑, 一D都唔韌, 好懷念既感覺.
仲有最鍾意既辣炒年糕, 呢間材料都好多, 除左年糕, 仲有蛋, 餃子, 魚片等等. 食年糕某程度都好睇個辣汁好唔好味, 呢度夠辣, 辣中帶甜夠開胃, 越辣越想食, 可以既話想用D汁撈飯. 年糕軟腍度適中, 煙韌有咬口. 鍾意個粉絲卷, 外面係炸過既紫菜, 包住韓式粉絲, 脆脆地但入面又爽口, 索埋D辣汁更加正.
以免食得肉多太飽濟, 要多個雜菜拼盤, 有三款菇, 翠肉瓜同洋蔥, 雜菜新鮮帶甜, 有水份, 所以食完無咁熱氣.
而呢度既店員有時間係會幫你燒, 佢地燒得好用心, 而且服務好好, 下次會再黎.
張貼
