喜鍋 海鮮‧火鍋‧小廚 (已結業)

最近中學老友話想聚下，畢竟我地都幾年冇見，一講起食咩都係大家一大難題，行行下街佢突然想打邊爐，所以就入左呢呢間食火鍋！原本都冇咩期望，平平凡凡火鍋店一間，乍看發現呢度既特色火鍋湯底都唔少，老板仲好細心同我地介紹返每款湯底的分別！最後就當然要試下招牌花膠鯊魚骨膠原湯底，聽講呢度既湯底都係真材實料，難怪飲起上來相當夠水準！我比較鐘意同埋相對比較有特色是甘香泡飯，望落金金黃黃，食起上來比較硬身，通常我都先把飯放到碗中，再倒入適量的鯊魚骨膠原湯，真係好好食！除此之外，其他火鍋配料例如栗米以及丸類都好新鮮，值得一讚！