漁家

營業中

休息中

最近去咗筲箕灣「漁家」食晚飯，雖然餐廳舊名稱有大牌檔三個字，但實際上並非大牌檔，而更似係日系居酒屋，今餐食嘅海鮮大餐質素都唔錯，食得幾滿足。*此餐廳收取全單10%服務費。真蠔6隻（單點$198），肉質飽滿，口感爽嫩，食落好新鮮、帶點海水味道，配以檸檬汁食用，味道更佳。蒲燒鰻魚飯（單點$148），表面鋪有白芝麻，原條鰻魚肉質厚身，口感肥美，食落充滿蒲燒醬汁味道，配料包括有雞蛋絲、日式醃黃蘿蔔絲。茶碗蒸（跟餐$0），好足料，內有鮮蝦、冬菇、魚板、青豆，雞蛋口感滑溜，食落蛋香味濃、帶有食材、高湯的鮮味。前菜（跟餐$0），芝麻醬凍豆腐沙律，豆腐口感軟嫩，味道清爽。餐湯（跟餐$0），味噌湯，內有海帶、炸豆皮、香蔥，味道正宗。白飯（跟餐$0），採用珍珠米製作，口感軟硬適中。鹽燒三頭鮑魚2隻（單點$128），好大隻，肉質厚身，口感彈牙，味道鮮甜，配以炸蒜、香蔥食用，食落好香口。AA和牛肉眼蓋串燒（單點$68），表面鋪滿炸蒜、香蔥，和牛食落油脂味濃。熱綠茶（跟餐$0），茶味濃香。