Hong Kong Brew House (已搬遷) 新店位置

大好星期五晚原本安排了牌局，點知其中一隻麻雀腳病倒，連累到牌局也要拉倒，三條友就出左來happy hour。行上蘭桂坊，星期五晚的關係，幾多人。原本想去Balalaika飲伏特加，但見氣氛一般，反而樓下呢度幾熱鬧，就走左入來幫襯。但見一地花生殼，都知呢度同Inn Side Out有點關係。如無記錯的話，餐牌更是一模一樣。又一樣的要了Hoegaarden，大大個闊口酒杯，飲得過瘾。原本我地坐在餐廳入面，較焗束又無野睇，飲飲下至移師去出面，雖然天氣幾凍，但望得到蘭桂坊來來往往的紅男綠女，正好多。歡樂時光好似由5至8，飲品減十蚊，都係咁上下價錢。