大豐澳門翠苑餐廳 (已結業)

有一種早餐叫做歐陸式早餐，係港式茶餐廳入面最高級的早餐，今日襯住要去仔仔幼稚園睇聖誕表演，就忙裡偷閒去茶記食早餐。我同老婆分別叫左雞扒同炸魚柳兩個歐陸早餐。早餐入面有太陽蛋、煙肉、茄汁豆，仲有半片多士，唯一分別係雞扒定魚柳，魚柳炸到變成吉烈魚柳，外皮金黃鬆脆，咬開入面雪白魚柳成片狀，而且好嫩滑。雞扒煎到好香口，外皮金黃色的炸雞，入面雪白的雞肉仍然保柔軟多汁。再加杯茶餐廳獨有的「茶走」，一份歐陸式早餐就正式煉成。