影片
更多
2017-07-30
116 瀏覽
為左食，我今次又過海去揾靚靚cafe啦去既係呢間台灣過江龍cafe，見啲野食同環境都幾嘆咁。雖然唔熟悉上環既街，但呢間都唔算難揾，距離上環地鐵站大約五分鐘內到。Cafe外面都張貼左唔少報紙既報導，令我更期待。一入去發現比想象中細，而且接近坐滿左，好彩靠牆既仲有張，原來仲有樓上！兩層都以歐陸風情既裝飾佈置，雖然空間唔大，但都花左啲心思，例如有我中意既鐵塔凱薩沙律配慢煮無骨雞肶肉$118習慣左食正餐前都要叫個沙律，除左食菜，其實重點係想食肉xD呢個沙律無論配料同份量都相當多，配料包括左沙律菜、巴馬臣芝士、蕃茄仔、鮮果果乾、果仁等等，唔係求奇比幾條菜就收過百蚊。沙律菜頗新鮮，未至爽脆程度但都唔錯，而且以蜜糖芥末醬平均撈勻左，加埋平均灑於菜面既芝士碎，每啖菜都味道十足。餐牌上寫既鮮果果乾，原來真係鮮果製點解咁講？因為呢到果乾片全部都係cafe自家烘乾，食左片蘋果薄片乾，表面無糖等額外既人工調味料，感覺非常天然，含在口中嗒嗒下會滲出鮮果味我好中意食果乾，更愛果仁，原來連果仁都係自家烘焙有唔少原粒腰果，香氣撲鼻又脆口當然要提係主角雞肶，去左骨就岩哂我呢啲懶人慢煮兩小時再煎，雞肉好鬆化，完全唔嚡口，
Cafe外面都張貼左唔少報紙既報導，令我更期待。一入去發現比想象中細，而且接近坐滿左，好彩靠牆既仲有張，原來仲有樓上！兩層都以歐陸風情既裝飾佈置，雖然空間唔大，但都花左啲心思，例如有我中意既鐵塔
凱薩沙律配慢煮無骨雞肶肉$118
習慣左食正餐前都要叫個沙律，除左食菜，其實重點係想食肉xD
呢個沙律無論配料同份量都相當多，配料包括左沙律菜、巴馬臣芝士、蕃茄仔、鮮果果乾、果仁等等，唔係求奇比幾條菜就收過百蚊。
沙律菜頗新鮮，未至爽脆程度但都唔錯，而且以蜜糖芥末醬平均撈勻左，加埋平均灑於菜面既芝士碎，每啖菜都味道十足。
餐牌上寫既鮮果果乾，原來真係鮮果製點解咁講？因為呢到果乾片全部都係cafe自家烘乾，食左片蘋果薄片乾，表面無糖等額外既人工調味料，感覺非常天然，含在口中嗒嗒下會滲出鮮果味我好中意食果乾，更愛果仁，原來連果仁都係自家烘焙有唔少原粒腰果，香氣撲鼻又脆口
當然要提係主角雞肶，去左骨就岩哂我呢啲懶人慢煮兩小時再煎，雞肉好鬆化，完全唔嚡口，表皮微脆，好味唯一可惜係只有四件，size並不大，令人意猶未盡
慢煮牛肋條
以鐵鑊仔呈上，茄汁好多，食落質感比較稀身，食得出係鮮茄蓉所煮而唔係就咁現成醬汁煮。
同樣係慢煮既牛肋條，慢煮左四小時，肉質軟稔又黏，鬆軟口感幾出色，不過肉既份量較少，好多都係雜菜例如菇粒等等，中間有大大隻既温泉蛋，流心程度令人滿意。
除左主菜外，仲附上暑條、牛油果沙律同麵包，所以都可以食到好多款食物不過因爲all day breakfast已經有好多薯條，所以轉左沙律
All day breakfast
呢個all day breakfast係呢到招牌之一，我都唔會放過啦
包括左綜合沙律菜、墨汁麵包、旋風薯、牛油果沙律同埋黑松露薯仔沙律，反而唔係平時見到厭既煙肉腸仔煎蛋。
沙律菜同樣以蜜糖芥末醬調味，份量比凱撒沙律更多，味道更濃甘
薯條唔係平時就咁買返黎炸，而係先切成螺旋型片狀，再炸得乾身香脆, 好似食緊KFC薯格但再粉啲~
另一重點係個黑松露薯仔沙律,滿佈黑松露既外表好吸引,食落原來仲正,黑松露既味道相當濃郁,第一啖咬落去已經出哂黎,薯仔好粉,唔會變到完全薯蓉既狀態,保持左少少薯仔粒粒既爽口感在其中,沙律醬混合其中增添左順滑感,成個all day breakfast令滿意係呢個沙律呀!!!
牛油果沙律雖然比較細少,但都係好滑口同埋質感好rich,夾左類似松子仁係中間,同牛油果既單調質感互相配合,應該好多牛油果控會中意! 反而係個墨汁包就比較普通,食唔到有咩特別味,偏淡同埋細塊,所以我搽左啲沙律黎食又唔錯喎!
整體黎講,呢到環境唔錯,係有d窄,但食物方面有唔少創新位,花左d心思,所以都扺佢定價高d既~
張貼
