影片
更多
2020-03-07
409 瀏覽
黎九龍城未必需要每次都係食泰國嘢其實九龍城除咗有泰國菜，西餐等等，最近仲多咗一間設計新穎嘅台灣菜。星期五平日夜晚來到，光顧嘅人都幾多，入咗不久更加見到出邊需要等位或等外賣。餐廳牆上貼滿設計新穎嘅霓虹燈，同比我感覺較為舊式嘅九龍城相對比較特別😆呢度除咗有台灣菜之外，更加特別嘅有用上光波爐嘅台式燒肉，見到呢個咁新穎嘅食法，當然要試吓冷泡白桃烏龍聞落去白桃香香，入喉烏龍茶比較重，烏龍茶都幾香黑糖仙草鮮奶，台式比較有名氣嘅燒仙草伴鮮奶，奶香味頗濃厚，加上黑糖估唔到有幾夾，男朋友覺得呢杯野超級好飲，但我個人略嫌比較甜，如果想試嘅朋友，可以試吓叫少甜，味道應該會更加唔錯！叫咗一份台式燒肉，再加一個主食，兩個人份量啱啱好香酥排骨滷肉飯超大份嘅香酥排骨，加上一碗滿嘅滷肉飯，估唔到仲有前菜三款送俾大家！分量真係超多香酥排骨同平時椒鹽排骨口感有啲唔同，感覺一粒粒嘅炸粉特別鬆脆，唔好以為炸過嘅排骨一定唔會好乾，相反呢度嘅排骨肉質剛剛好，雖然冇肉汁滲出，不過口感依然鬆軟，而且肉質滑滑的，見我男朋友平時唔鍾意食炸豬扒都表示好好食！有別於出邊嘅台式香酥排骨，呢度沾上嘅係千島醬，估唔到咁樣食落又幾夾，份量都幾多，我
其實九龍城除咗有泰國菜，西餐等等，最近仲多咗一間設計新穎嘅台灣菜。
星期五平日夜晚來到，光顧嘅人都幾多，入咗不久更加見到出邊需要等位或等外賣。
餐廳牆上貼滿設計新穎嘅霓虹燈，同比我感覺較為舊式嘅九龍城相對比較特別😆
呢度除咗有台灣菜之外，更加特別嘅有用上光波爐嘅台式燒肉，見到呢個咁新穎嘅食法，當然要試吓
冷泡白桃烏龍聞落去白桃香香，入喉烏龍茶比較重，烏龍茶都幾香
黑糖仙草鮮奶，台式比較有名氣嘅燒仙草伴鮮奶，奶香味頗濃厚，加上黑糖估唔到有幾夾，男朋友覺得呢杯野超級好飲，但我個人略嫌比較甜，如果想試嘅朋友，可以試吓叫少甜，味道應該會更加唔錯！
叫咗一份台式燒肉，再加一個主食，兩個人份量啱啱好
香酥排骨滷肉飯
超大份嘅香酥排骨，加上一碗滿嘅滷肉飯，估唔到仲有前菜三款送俾大家！分量真係超多
香酥排骨同平時椒鹽排骨口感有啲唔同，感覺一粒粒嘅炸粉特別鬆脆，唔好以為炸過嘅排骨一定唔會好乾，相反呢度嘅排骨肉質剛剛好，雖然冇肉汁滲出，不過口感依然鬆軟，而且肉質滑滑的，見我男朋友平時唔鍾意食炸豬扒都表示好好食！
有別於出邊嘅台式香酥排骨，呢度沾上嘅係千島醬，估唔到咁樣食落又幾夾，份量都幾多，我自己食咗超多舊😆
衡量過覺得叫套餐比較化算，所以叫咗呢款牛肉拼盤（牛肩甲，牛舌，牛小排，牛胸腹）總共有四款不同部位
其實我自己都唔係好識分邊個部位打邊個部位，淨係知道牛舌同牛肩肉係邊款，就是燒完口感比較實淨，不過唔會燒到好un，實在嘅口感都可以食到架！已牛肩肉脂肪相對地比較少，因為脂肪比較少，所以食落口感都比較實在，兩者當中我比較鍾意食牛肩肉，因為佢大有牛香味，個人覺得比牛舌更勝一籌！
呢度嘅牛肉冇用上特別調味，只係加上適量黑椒，因為已經加咗黑椒，所以唔需要再刻意加上其他燒汁，只需要沾上少量海鹽就可以
除咗牛胸腹之外，個人比較鍾意粉嫩，脂肪較重嘅嗰款，呢個口感超軟熟，因為脂肪比較重，食落油香同牛香味兩者一齊配合，好香好好味😋
台式燒肉除咗可以做不求人系列，自己燒又得，如果唔想燒嘅，係落單嘅時候同職員講我幫你燒埋都可以架！不過我自己比較鍾意自己燒，可以按自己鍾意嘅生熟程度調教😆😆😆
張貼
