釣魚翁 燒鵝．海鮮飯店 (已結業)

同荃灣既親戚飲茶，親戚提議去呢間，話食開幾好。不過超多人呀，等位等左好耐。叫左好多野，總體都唔錯既，不過聽講偏貴。有幾個特別鐘意，古法原隻馬拉糕　（大點）馬拉糕大點真係幾嚇人，不過見倒古法喎，試下。幾好味，夠鬆軟，仲要好香庶糖味，真係細細個食馬拉糕時既味道。魚翁得意腸粉（特點）寫明得意，應該係招牌之一。腸粉入面包著脆脆蔬菜同蝦，口感好豐富，外面滑，裡面脆，蝦爽口，唔錯。乳鴿炸既火喉幾好，外脆內嫩，食肉獸既我表示好味。整體都唔錯，大部分都幾好，無邊款特別伏，可以再來。