極尚大瀛喜日本料理 (已結業)

一班人聚會，放題往往都係最好既選擇，其中一位朋友推介極尚大瀛喜，於是就黎試下。一行入去，未埋位坐低已經見到有個沙律吧，由於食放題一定餓住肚黎食既關係，未寫紙就已經忍唔住出沙津吧到開始「打仗」！沙津吧內有大量小食，甜品，前菜同湯，例如薯角，螺肉，麵豉湯等等，另外還有各式調味料。雖然呢d食物放係沙津吧以自助形式拎，但係都有保持住溫度，味道不錯。首先焗帆立貝，比想像中大隻，份量十足，帆立貝食落口非常新鮮，亦係新鮮出爐，芝士牛油香味十足，而且又夠熱，值得一試。之後係炸蠔同雞翼，味道不太特別，但係勝在夠脆。串燒方面，款式非常多，除左一般必有既雞肉，豬軟骨外，亦有饅魚，熟蝦，牛舌等等。特別一提饅魚串燒鎖住饅魚汁，味道濃郁。壽司方面，賣相非常靚，種類亦都非常有特式。比較值得一提的是和牛壽司同饅魚玉子燒，和牛壽司雖然係比較生既牛肉，但食落去唔會覺得有血水，而且入口即溶！至於饅魚玉子燒，配上芝士並唔看得流，反而配合得好好，甜得黎又唔會搶了鰻魚原本的味，亦不會令口感變得奇怪。甜品方面，種類非常多，盡在沙津吧中，有馬卡龍，雪糕，牛奶乳酪，各種小蛋糕等等，非常滿足我「另一個胃」！整體而言，有好多特色食品，味道