前幾日收工約咗閨蜜食飯，傾開之前一齊去日本旅行嘅嘢，真係好掛住呀🇯🇵！所以就決定去尖沙咀呢間八焱居酒屋，感受返嗰種日式風味。一入到去，餐廳用咗好多木系裝修，燈光昏黃，感覺好溫暖舒服😌。我哋被安排坐卡位，私隱度幾高，最啱我哋姊妹啲傾心事時間啦🤫。餐廳播住啲輕快嘅日文歌，成個環境好熱鬧但又唔會太嘈，俾人一種好放鬆嘅感覺，可以慢慢食飯慢慢傾偈。
我哋點咗個2人海鮮及串燒套餐，聽講個試營運價$688真係好抵食💰！
首先上枱嘅係 💟沙律 🫶🏻🫶🏻🫶🏻🫶🏻，蔬菜好新鮮，配埋個日式芝麻醬，酸酸甜甜好開胃。跟住係 💟刺身三拼 🫶🏻🫶🏻🫶🏻🫶🏻🫶🏻，有三文魚、油甘魚同帶子，睇得出好新鮮，全部都係厚切，食落啖啖肉，魚油甘香，帶子就非常鮮甜😋。
之後嘅 💟和牛他他 🫶🏻🫶🏻🫶🏻🫶🏻，牛肉味濃郁，口感軟嫩，撈埋隻生蛋黃一齊食，成件事滑溜咗好多。而 💟金萡黑魚籽鵝肝多士🫶🏻🫶🏻🫶🏻🫶🏻🫶🏻 絕對係成晚嘅焦點之一！鵝肝煎得外脆內軟，入口即溶，油脂香氣爆發，配埋香脆多士同帶鹹香嘅黑魚籽，口感層次好豐富，一啲都唔膩。💟銀雪魚西京燒 🫶🏻🫶🏻🫶🏻🫶🏻🫶🏻 燒得啱啱好，魚肉嫩滑到不得了，面頭嘅西京燒汁甜甜地，帶出魚肉嘅鮮味。
💟串燒三拼 🫶🏻🫶🏻🫶🏻🫶🏻 有雞肉、豬頸肉同雞肉，燒得好惹味，肉質保持到juicy。💟黃金焗蠔 🫶🏻🫶🏻🫶🏻🫶🏻 鋪滿芝士同醬汁，焗得好香，蠔肉都幾飽滿。💟明太子玉子燒 🫶🏻🫶🏻🫶🏻🫶🏻 蛋味香濃，口感濕潤軟滑，中間嘅明太子份量十足，鹹香味好出。最後嘅 💟稻庭烏冬 🫶🏻🫶🏻🫶🏻🫶🏻 個湯底好清甜，烏冬滑嘟嘟，食完成個人暖笠笠，係一個好圓滿嘅結尾。
總括嚟講，呢個套餐真係物超所值，兩個人食絕對夠飽，而且款式夠多樣化，由刺身、燒物到主食都包辦晒👍。$688可以食到鵝肝、和牛、銀雪魚呢啲高質素嘅食材，性價比真係好高。食物水準穩定，環境又坐得舒服，好適合同朋友嚟聚餐傾偈。聽講呢個優惠價只係做到十月底咋，所以有興趣嘅朋友真係要把握機會去試吓喇，絕對係一個唔錯嘅選擇！🥳
