韓閣 (新都城中心二期) (已結業)

今日嚟將軍澳寶林新都城中心食下午茶，呢間韓國餐廳款式好多，下午茶時間都幾抵食，現場見到有好多學生放學後嚟食。西檸香烤雞鎚🍗&香草烤蝦🦐拼蟹肉田園沙律🥗西檸香烤雞鎚🍗烤到好香脆好惹味，食落有西檸香味；香草烤蝦🦐蝦肉新鮮，爽口彈牙，已經起咗肉好方便；蟹肉田園沙律🥗新鮮蟹肉配上爽脆生菜🥬，再加上酸酸甜甜嘅蕃茄🍅同檸檬汁🍋好開胃。🦀燒蟹膏軟殼螜籽手卷：份量都幾多共有八大件，餡料有軟殼蟹，醃蘿蔔，蟹子和蟹膏，軟殼蟹好香脆，配上酸酸甜甜嘅醃蘿蔔，鮮味鹹香嘅蟹子同蟹膏好夾😋驅寒生薑蜜：薑味比較淡，蜜味比較重，飲落比較清甜唔會有薑辣味。另外like 餐廳社交平台 送咗一件朱古力布朗尼蛋糕，朱古力味幾濃👍🏻整體來講，食物質素不錯，款式多，份量充足，下午茶幾抵食；使用QR code落單，減省人手，服務態度良好。