御滿屋日本料理

營業中

休息中

之前係荃灣試過滿屋覺得都唔錯，今次約同事食飯又想食放題就簡左同一系列既御滿屋再次品嘗啦！我地星期四黎，估唔到都幾多人喎，好彩有book定台。一黎到當然點左刺身先啦，我地點左帶子、三文魚、蝦等等，帶子好大隻同新鮮，有驚喜。蝦有三款，其中我覺得大個隻蝦幾好食，爽口彈牙。之後叫左一些熟食，包括有天婦羅、芝麻雞翼、魷魚穌、海膽手卷、鰻魚等等，都好好食。其中最鐘意係芝麻雞翼同鰻魚，好入味又有口感，完全唔馬虎，而且鰻魚都算貴，竟然可以任食，開心。海膽手卷細細件，唔會好多飯，但海膽份量又唔會話好少，而且新鮮，抵食！